"Güzəştli kreditlər daha çox regionların payına düşür" – Mikayıl Cabbarov

Sahibkarlığın İnkişafı Fondu tərəfindən bu ilin əvvəlindən 1 963 sahibkara 90,2 milyon manat güzəştli kredit verilib. 

Sfera.az xəbər verir ki, bu məlumatı iqtisadiyyat naziri Mikayıl Cabbarov paylaşıb. 

Nazir bildirib ki, güzəştli kreditlərin 62,8 milyon manatı 1 953 kiçik və orta həcmli layihəyə verilib:

“Bu kreditlər hesabına 2 100-ə yaxın yeni iş yerinin açılması imkanı yaranıb. Güzəştli kreditlərin 68,8%-i aqrar sektorun, 31,2%-i sənaye məhsullarının istehsalı və emalı və s. sahələrə yönəldilib”. 

M.Cabbarov onu da qeyd edib ki, kreditlərin 83,3%-i regionların, 16,7%-i isə Bakı qəsəbələrinin payına düşür.

Vasif,
Sfera.az