Krım körpüsündə dəmir yolu hərəkəti tam bərpa edildi
Krım körpüsündə dəmir yolu hərəkəti tam bərpa olunub.
Sfera.az Rusiya mətbuatına istinadən bildirir ki, bu barədə baş nazirin müavini Marat Xusnullin məlumat verib.
“Dəmir nəqliyyatının hərəkəti tam bərpa olunub. İstər sərnişin, istərsə də yük daşıyan bütün cədvəl üzrə qatarların hərəkətinə tam icazə verəcəyik. Bunun üçün texniki imkanlarımız var. Zərurət yaranarsa, sərnişinlərin daşınması üçün əlavə qatarlar təqdim edəcəyik”- deyə o, jurnalistlərə verdiyi açıqlamada bildirib.
O, həmçinin əlavə edib ki, növbəti gün Krıma yük maşınları bərə ilə göndəriləcək.
Eyni zamanda Marat Xusnullin Krım körpüsü səfərlərinin sayını azaltmağa çağırıb.
Bundan əlavə, o dalğıcların oktyabrın 9-da səhər saat 6-dan Krım körpüsünə baxışa başlayacaqlarını bildirib.
Səhər saatlarında Rusiya Nəqliyyat Nazir liyi Krım körpüsündə qatarların hərəkətinə icazə aldığını açıqlamışdı. Onlar həmçinin dəmir yolu yolunda ilk sınaq qatarının uğurla keçdiyini qeyd ediblər.
Xatırladaq ki, Krım körpüsünün avtomobil və dəmir yolu hissələrində hərəkətin məhdudlaşdırılması ilə nəticələnən insident şənbə günü səhər saatlarında baş vermişdi.
Aynil
