Britaniyanın ən yeni təyyarədaşıyan gəmisində NASAZLIQ

Britaniya Hərbi Dəniz Qüvvələri (Dəniz Qüvvələri) ən yeni HMS Prince of Wales (“Uels Şahzadəsi”) təyyarədaşıyan gəmisində daha bir nasazlıq aşkar edib.

Sfera.az xarici mətbuata istinadən bildirir ki, bu barədə Britaniya rəsmi dairələri məlumat yayıb.


“Bu səhər Şotlandiyaya yola düşməli olan “HMS Prince of Wales” təyyarə daşıyıcısının avadanlıqlarının bir hissəsində yanacaq şlanqında çat aşkar edilməsi səbəbilə reys təxirə salınıb" deyə mənbədən mətbuata bildirilib.

Qeyd olunur ki, hazırda təyyarədaşıyan Portsmutdakı dəniz bazasındadır. Ehtimallara görə gəmi oktyabrın 8-də Şotlandiyaya gedə biləcək.


Xatırladaq ki, avqustun sonunda gəmi İngiltərə sahillərində parçalanmış və Portsmutdakı bazasına qayıtmışdı. Xəbər saytları təyyarədaşıyan gəminin sıradan çıxmasını ciddi texniki xəta adlandırmışdı.

Qeyd edək ki, “HMS Prince of Wales” 2019-cu ilin dekabrında istismara verilib və rəsmi olaraq Kral Dəniz Qüvvələrinə verilmişdi. O, 36 şaquli enişli F-35B qırıcısı və 4 helikopteri daşımaq üçün nəzərdə tutulub. Ehtiyac yarandığı halda gəmi 70-ə qədər döyüşçü götürə bilir.

Aynil