Ancelina Colidən qandonduran İDDİA: “Uşaqlardan birini boğdu”

Boşanmaları ilə bütün dünyanı şoka salan Ancelina Coli və Bred Pitt cütlüyü hər ikisinə məxsus şərab zavodunun satışına görə məhkəməlik olub.

Sfera.az bildirir ki, bu iddia çərçivəsində Colinin bəzi ifadələri səs-küy yaradıb.

Belə ki, Los Anceles Ali Məhkəməsinə təqdim edilən məhkəmə sənədlərində Coli 2016-cı ilin sentyabrında Pitti zorakılıqda ittiham edərək boşanmalarına səbəb olan mübahisəni ətraflı şəkildə izah edib. Vəziyyəti heç vaxt ictimaiyyətə açıqlamaq istəmədiyini deyən 47 yaşlı Coli ərizəsində 58 yaşlı Pitti altı uşağından birini boğmaqda günahlandırıb. Başqa övladına sillə vurduğunu da iddia edən Coli keçmiş həyat yoldaşı Bred Pitin onun saçından tutub divara çırpdığını bildirib. 2016-cı ilin sentyabrında Fransadan Kaliforniyaya uçan təyyarədə Pittin davranışının uşaqları sarsıtdığını, kürəyində və dirsəklərində yaralar buraxdığını deyən Coli uçuşdan cəmi 5 gün sonra boşanma iddiası qaldırıb. 

Qeyd edək ki, Bred Pitt spirtli içkilərlə bağlı problemləri olduğunu etiraf etsə də, uşaqlara qarşı zorakılığı həmişə rədd edib.

Türkan,

Sfera.az