Facebook Rusiyanı ifşa etdi

“Facebook” özünü məşhur Qərb nəşrləri kimi təqdim edərək Rusiya propaqandası aparan kütləvi dezinformasiya şəbəkəsini ifşa edib.


Meta Korporasiyası, Ukrayna haqqında avropalılar arasında təxribat mesajları yayan və özünü məşhur Qərb nəşrlərinin internet saytları kimi təqdim edən ən böyük Facebook və Instagram dezinformasiya şəbəkəsini ifşa etdiyini bildirib.

Sfera.az “European Truth”a istinadən xəbər verir ki, şirkətin verdiyi açıqlamada şəbəkənin 1633 hesabı, 703 səhifəsi, 1 Facebook qrupu və 29 Instagram hesabının olduğu bildirilib. Şəbəkənin tanıtımına təxminən 105 min ABŞ dolları xərclənib. Bu da özlüyündə “Facebook”da 4 minə, “Instagram”da isə 1500-ə yaxın hesabı əhatə edib.

Onlar əsasən alman, ingilis, fransız, italyan, ispan, rus və ukrayna dillərində fəaliyyət göstəriblər.

Qeyd olunur ki, şəbəkə ilk növbədə Almaniyaya, eləcə də Fransa, İtaliya, Ukrayna və Böyük Britaniyaya qarşı yönəlib. Şəbəkə may ayında fəaliyyətə başlayıb və özünü “Spiegel”, “The Guardian”, “Bild” və “ANSA” kimi real Qərb mediası kimi təqdim edən 60-dan çox saytdan ibarət şəbəkə ətrafında qurulub.

Saytlarda Ukrayna və ukraynalı qaçqınları tənqid edən, Rusiyanı tərifləyən, Qərbin Rusiyaya qarşı sanksiyalarının əks nəticə verəcəyini iddia edən yazılar yer alıb. Bu məqalələr, YouTube memları və videoları ilə birlikdə daha sonra Facebook, Instagram, Telegram, Twitter, Change.org və Avaaz.com petisiya saytları və hətta LiveJournal vasitəsilə yayılıb.

Rusiyanın RT kanalı öz internet saytlarını kopyalayaraq Aİ sanksiyalarından yayınır.

Məsələn, guya Almaniyanın “Spiegel” nəşri öz məqaləsində təbii qaz qıtlığı ilə bağlı xəbərdarlıq edib. Amma diqqətlə baxsanız görə bilərsiniz ki, saytın domeni orijinal nəşrin domeni ilə eyni deyil. Eynilə, Britaniyanın saxta “The Guardian” qəzeti Rusiyanın Ukraynada törətdiyi hərbi cinayətlərdən şübhələndiyini, İtaliyanın “ANSA” agentliyi isə Kiyevin taxıl saxlamasını “tənqid edib”.

“Meta” qeyd edir ki, təhqiqat zamanı şəbəkənin bloklanması başlayanda onun arxasında duranlar yeni vebsaytlar yaratmağa çalışıblar ki, bu da adı çəkilən fəaliyyətə daimi sərmayə qoyulmasından xəbər verir.

Hətta bəzi hallarda şəbəkənin fəaliyyəti Rusiyanın Avropa və Asiyadakı səfirlikləri tərəfindən həyata keçirilib.

Xatırladaq ki, daha əvvəl də “Meta” Rusiyanın Ukraynaya müdaxiləsi zamanı Avropa İttifaqının Kremlin iki əsas təbliğat kanalı olan “RT” və “Sputnik”i blokladıqdan sonra dezinformasiya yaymaq üçün yeni yollara əl atdığını bildirmişdi.


Aynil