"Şimal axını" qaz kəmərlərində partlayışlar qeydə alındı
“Şimal axını” və “Şimal axını 2” boru kəmərlərində qaz sızması nəticəsində iki güclü sualtı partlayış qeydə alınıb.
Sfera.az xarici mətbuata istinadən bildirir ki, bu barədə sentyabrın 27-də İsveçin seysmik mərkəzinin nümayəndəsi Byorn Lund məlumat verib.
Bir gün əvvəl “Nord Stream 2 AG” şirkəti Rusiyaya qarşı sanksiyalara görə istismarı dayandırılan və texniki qazla doldurulmuş “Şimal axını 2” xətlərindən birində təzyiqin kəskin azalması ilə müşayiət edilən partlayış olduğu bildirilmişdi. Hadisənin baş vermə səbəbləri məlum deyil.
Eyni zamanda,avqustun sonundan istifadəsi dayandırılan “Şimal axını”nın hər iki xəttində təzyiqin azaldığı da bildirilir.
Kremlin sözçüsü Dmitri Peskov qaz kəmərində fövqəladə vəziyyətin səbəbinin təxribat ola biləcəyini istisna etməyib. Başqa versiyaların da mümkün olduğunu dilə gətirən Preskov hadisənin təcili araşdırılmasını tələb edib. Rusiya Prezidentinin mətbuat katibini isə insidentin bütün qitənin enerji təhlükəsizliyinə təsir edən məsələ olduğunu vurğulayıb.
Aynil
