Neft dörd aydır ki, ucuzlaşır: böhran ehtimalı necə təsir edəcək?
Yüksək inflyasiyanı cilovlamaq üçün mərkəzi bankların sərt pul-kredit siyasəti qlobal iqtisadi böhranın yaranma ehtimalını gücləndirdiyindən neft qiymətləri enişə doğru meyillənib.
Sfera.az xəbər verir ki, “Brent” markalı neftin qiyməti bu ilin iyunundan başlayaraq enir. Qeyd edilən dövrdə qiyməti 123 dollar olan “Brent” neftinin dəyəri həftənin ilk günündə 84 dollara enib. Son 4 ayda “Brent” nefti 39 dollar və ya 31 faizdən çox ucuzlaşıb.
Neft bazarında ucuzlaşma Azərbaycanın ixrac etdiyi “Azeri Light” markalı neftin dəyərinə də mənfi təsir edir. İyunda 128 dollardan satılan Azərbaycan neftinin qiyməti ötən həftənin cümə günü 87 dollara qədər düşmüşdü. Bu gün Azərbaycan neftinin qiymətinin bir qədər də enəcəyi dəqiqdir.
Beləliklə, mərkəzi bankların, o cümlədən FED-in faiz dərəcələrini kəskin şəkildə artırması, iqtisadi aktivliyin zəifləməsi və bunun nəticəsində enerji məhsullarına tələbin zəifləməsi nəticəsində xam neftin dəyəri aşağı yönlü istiqamətlənib.
Vasif,
Sfera.az
