Kiminsə şikayətini 30 dəqiqədən çox dinlədikdə beyində nə baş verir? - ARAŞDIRMA
Şikayət və stress həyat keyfiyyətini aşağı salır.
Sfera.az xəbər verir ki, Stanford Universitetində aparılan araşdırmalar şikayətin beyinə vurduğu zərəri üzə çıxarıb. Təkcə şikayət etmək yox, başqasının şikayətini dinləmək də mənfi təsir göstərir.
Bəs bunun qarşısını almaq üçün nə etmək lazımdır?
Şikayət etmək, tez-tez söylənmək, daima mənfi fikirlər yaşamaq... Bütün bunlar beyni zədələyir.
Araşdırmaya görə şikayət etdikdə yaddaş və problemlərin həllindən məsul olan hipokampusun ölçüsünü azaldır. Mütəxəssislər deyirlər ki, nə qədər tez-tez şikayət etsəniz, mənfi düşünmə ehtimalınız bir o qədər çox olar.
Şikayətlərə qulaq asmaq da beyinə zərərlidir
Tədqiqat zamanı məlum olub ki, kiminsə şikayətini 30 dəqiqədən çox dinləmək də beyinə ziyan vurur.
Psixiatr Prof. Suzan Önər, "Şikayət etmək, mübarizə aparacaq və ya qaçacaq bir şey olmadığı zaman yersiz stress reaksiyasına səbəb olur və kortizol yüksəlir, şəkər yüksəlir, təzyiq yüksəlir" deyə məlumat verib.
Stress neyronların itkisinə səbəb olur
Stress dərəcəsi nə qədər yüksək olarsa, beyin bir o qədər çox zədələnir.
Psixiatrın sözlərinə görə, oksidləşdirici reaksiyalar artır, iltihablı reaksiyalar artır və hüceyrənin canlılığına təsir edən bir mühit formalaşmağa başlayır, bu səbəbdən neyron itkisinə səbəb olur.
Yaxşı, bu vəziyyətlə necə mübarizə aparmaq olar?
Mütəxəssislər deyirlər ki, peşəkar dəstək almaqla yanaşı, fərdi şəkildə həyata keçirilə biləcək tədbirlər də var. Bunun üçün müsbət düşüncəni artırmaq üçün tədbirlər təklif olunur.
Gülər
