Bolqarıstanda fövqəladə vəziyyət elan edildi
Bolqarıstanın iki rayonunda miqrant axını ilə əlaqədar fövqəladə vəziyyət elan edilib.
Sfera.az xarici mətbuata istinadən bildirir ki, Bolqarıstanın daxili işlər naziri vəzifəsini icra edən İvan Demerdiev miqrant axını ilə əlaqədar Bolqarıstanın iki əyalətində fövqəladə vəziyyət elan edib.
Svilenqrad və Topolovqrad Haskovo bələdiyyələrində fövqəladə vəziyyət sentyabrın 29-dək qüvvədə olacaq.
Demerdievin sözlərinə görə, bu, Türkiyə-Bolqarıstan sərhədində insan itkiləri, əhalinin əmlakı, ölkə iqtisadiyyatına, habelə ətraf mühitə dəyən zərərin qarşısını almaq məqsədi daşıyır.
Miqrant axını ilə əlaqədar fövqəladə vəziyyət daha iki sərhəd bölgəsində - Burqas və Cambolda tətbiq oluna bilər.
Bolqarıstan Daxili İşlər Nazirliyinin yaydığı məlumata əsasən, 2022-ci ilin əvvəlindən bu günə qədər 104 minə yaxın insan Türkiyə ilə sərhədi keçməyə cəhd edib ki, bu da ötən illərlə müqayisədə təxminən 3,5 dəfə çoxdur.
Təkcə bu həftə Bolqarıstan-Türkiyə sərhədini qanunsuz keçməyə cəhd edən miqrantların sayı 5254 nəfərdən 5864 nəfərə yüksəlib.
Eyni zamanda, Bolqarıstan hakimiyyəti yaxın günlərdə ölkədə qeyri-qanuni miqrantların sayında artım olmaması üçün əlavə tədbirlər planı nəzərdə tutur.
Xatırladaq ki, Bolqarıstan vətəndaşlarının 72%-dən çoxu miqrantlardan ibarətdir.
Aynil
