Xərçəngə tutulduğunuzu biləcəksiniz - YENİ CİHAZ HAZIRLANDI/FOTO
"Imperial College London" və "Royal College of Art" kollec məzunu iki qız bu yaxınlarda qadınlar üçün çox faydalı ola biləcək cihaz hazırlayıb.
Sfera.az xarici mediyaya istinadən xəbər verir ki, "Dotplot" adı verilən cihaz qadınlarda süd vəzi xərçəngi riskinin olub-olmadığını müəyyən edir.
Bu cihaz vasitəsilə artıq hər bir qadın ev şəraitində android və ios tətbiqi sayəsində öz-özünü müayinə edə biləcək.
“Dotplot” səs dalğaları vasitəsilə orqanizmi oxuyur və tətbiqə skan haqqında hesabat göndərir. Proqram həmçinin skanı əvvəlki skanlarla müqayisə etmə funksiyasına malikdir və bu orqanizmdə baş verən dəyişikliyi izləməyə kömək edir.
Xatırladaq ki, 2022-ci ildə də süd vəzi xərçəngi dünya üzrə ən çox yayılmış xəstəlik hesab olunmuşdur. Hal-hazırda bu xəstəlikdən əziyyət çəkən qadınlar ümumilikdə xərçəngdən əziyyət çəkən insanların təxminən 12%-ni təşkil edir.
Aynil
