Atasını və anasını çəkiclə öldürdü, cinayəti videoya çəkdi – Turistdən qandonduran hərəkət

Rusiyalı turist Türkiyədə istirahətdə olarkən atasını və anasını çəkiclə döyərək cinayəti lentə alıb. 

Sfera.az xəbər verir ki, bu barədə Türkiyənin DHA agentliyi məlumat yayıb.

Agenliyin məlumatına görə, Türkiyənin Antalya şəhərindəki beşulduzlu otellərdən birində istirahət edən rusiyalının naməlum səbəbdən yaşlı valideynləri ilə münaqişəsi yaranıb. Mübahisə zəminində gənc oğlan çəkiclə atasına hücum edərək onu öldürüb. Daha sonra o, anasını ağır yaralayıb. Sonda qatil onların hər ikisini məftillə boğub. Dəhşətlisi isə odur ki, cani, baş verən hər şeyi videoya çəkib.

Valideynlərinin qışqırıqlarının eşidilməməsi üçün turist otaqda musiqinin səsini qaldırıb. Hadisədən sonra isə o, oteldən çıxaraq naməlum istiqamətə qaçıb.

Mütəxəssislər müəyyən ediblər ki, rusiyalı ata aldığı xəsarətlərdən yerindəcə dünyasını dəyişib. Ağır xəsarət alan ana özəl xəstəxanaya yerləşdirilib, lakin həkimlərin səyinə baxmayaraq, qadının həyatını xilas etmək mümkün olmayıb.

Türkiyə hüquq-mühafizə orqanları rusiyalının tutulması üçün əməliyyata başlayıb. Psixi pozğunluğu olduğu iddia edilən şəxsin fotoları həm Antalya jandarmasına, həm də yerli polisə paylanıb.

Vasif,
Sfera.az