MDB-də ən yüksək əməkhaqqı verilən ölkələr: Azərbaycan neçənci yerdədir? - SİYAHI

2021-ci ilin yekunlarına əsasən, MDB ölkələri arasında ən yüksək orta əməkhaqqı Rusiyada olub. 

Sfera.az xəbər verir ki, vergi və digər icbari tutulmalarla birgə Rusiyada ortaaylıq maaş 777 dollar (1321 manat) təşkil edib. 

Rusiyadan sonra ən yüksək orta əməkhaqqı Qazaxıstan (588 dollar), Belarus (569 dollar), Moldova (516 dollar) və Ukraynadadır (514 dollar). 

Azərbaycan orta əməkhaqqının böyüklüyünə görə, 6-cı sırada qərarlaşıb. Ölkəmizdə ötən ilin sonunda orta əməkhaqqı 431 dollar, yəni 732 manat təşkil edib. 

Digər MDB ölkələrindən orta maaş Ermənistanda 405 dollar, Özbəkistanda 303 dollar, Qırğızıstanda 228 dollar, Tacikistanda 136 dollar olub. 

Vasif,
Sfera.az