Sosial media bu xəbərlə çalxalandı: 1953-cü ildə yazılmış kitabda inanılmaz “İlon Mask” detalı...

İş adamı İlon Maskın Mars xəyalının 1953-cü ildə nəşr olunan kitabda yazıldığı ortaya çıxıb.

Sfera.az bildirir ki,  kitabda “İlon” adından istifadə olunması isə sosial mediada səs-küy yaradıb.

Belə ki, Mask “Tvitter”də paylaşım edərək,  “Tale, qismət. Mənim üçün bundan qaçış yoxdur”, deyə bildirib. Bu sətirlərin altında bir istifadəçi 1953-cü ildə Vernher von Braun tərəfindən yazılmış “Mars Project” kitabından paylaşım edib.

“Taledən söz düşmüşkən, Von Braunun 1953-cü ildə yazdığı “The Mars Project” kitabında insanları Marsa gətirəcək İlon adlı şəxsdən bəhs edildiyini bilirdinizmi? “, deyə o vurğulayıb. Alman aerokosmik mühəndis Vernher Von Braunun yazdığı “Project Mars: A Technical Story” kitabından bəhs edən istifadəçinin paylaşımı izləyicilər arasında müzakirə mövzusu olub.  

Qeyd edək ki, Von Braun nasist Almaniyasında raket texnologiyasını inkişaf etdirib, daha sonra ABŞ-da raket kosmik texnologiyası üzərində işləyib. Onun yazdığı kitab isə daha çox insanın Marsa səyahətinin necə görünə biləcəyinə dair bələdçidir. Digər tərəfdən kitabda insanları Marsa aparan şəxsin deyil, Marsda lider mövqeyinin adı “İlon” kimi yazılıb.

Günay Rəsulqızı,

Sfera.az