“Ukrayna ağır itkilər verə bilər” – İngiltərədən yeni iddia
“Ukraynanın hücumu onun ağır itkilərlə üzləşməsinə səbəb ola bilər”.
Sfera.az bildirir ki, bunu Londonda yerləşən Beynəlxalq Strateji Araşdırmalar İnstitutunun mütəxəssisi Frans-Stefan Gady deyib.
O, “The Telegraph” qəzetinə açıqlamasında bildirib ki, uğurlu irəliləyişlər əldə etmək üçün Ukrayna qüvvələrinə hər biri təxminən 4000 nəfərdən ibarət onlarla yeni mexanikləşdirilmiş və tank briqadası lazımdır:
“Bunlar olmadan hücuma başlamaq dayanıqlı itkilərlə nəticələnə və Ukraynanın ən təcrübəli əsgərini itirməsinə səbəb ola bilər”.
Qeyd edək ki, Ukrayna Baş Qərargah rəisi Valeriy Zalujnı bu yaxınlarda verdiyi açıqlamada müharibədə həlak olan əsgərlərin sayını açıqlayıb. Zalujnı bəyan edib ki, Rusiya işğalı başlayandan bəri təxminən 9000 Ukrayna əsgəri həlak olub.
Günay Rəsulqızı,
Sfera.az
