Elm adamları Günəşdə silsilə partlayışlar nəticəsində yaranan fırtınanın Yerə doğru yönələ biləcəyi barədə xəbərdarlıq edib.

Sfera.az bildirir ki, son günlərdə Günəşin səthində CME (Coronal Mass Ejection – Tac Kütlə Atılması) baş verib. Kosmik hava ekspertləri xəbərdarlıq ediblər ki, tac kütlələrinin atılması hazırda Yerə doğru gedir və bu, peyklərin və digər mühüm sistemlərin pozulmasına səbəb ola bilər.

Qeyd olunub ki, sözügedən kütlələr bizə doğru irəlilədikcə, daha güclü partlayışın olması mümkündür. Kütlələrin Yerə cümə axşamı və ya cümə günü çatacağı gözlənilir. Eyni zamanda bu iki “CME”nin G3 sinifli geomaqnit qasırğasına səbəb ola biləcəyi ehtimal edilir – bu isə "şiddətli" fırtına kimi müəyyən edilən kateqoriyadır.

Bu cür hadisələr G1-dən G5-ə qədər miqyasda təsnif olunur. Ancaq bu həftəki günəş fırtınalarının ən pis halda G3-ə çatması gözlənilir. Bu, bəzi enerji sistemləri, naviqasiya üçün kiçik problemlər yarada, peyklərə mənfi təsir edə bilər. Böyük Britaniya Meteorologiya Xidmətinin məlumatına görə, bu hadisə İngiltərənin şimalında və ya Nyu Yorkda səmada işıqların görünməsi deməkdir.

Türkan