“Xaricdən gətirilən köhnə avtomobillər xərçəngə səbəb olur” – Yollarda şütüyən ölüm
“Amerikalı köhnə avtomobilini utilizasiya etmək üçün pul ödəməlidir. Bizim alverçilər isə özləri pul verib “otxod” hibrid maşınları bura gətirirlər”.
Sfera.az bildirir ki, bunu avtomobil bazarı üzrə ekspert Ramin Musayev deyib. O qeyd edib ki, sözügedən proses ekologiyaya ciddi ziyan vura bilər:
“Nüvəni istifadə edəndən sonra onları üçüncü ölkələrdə böyük rüşvət qarşılığında yerə basdırırlar ki, öz ölkələrinin təbiətinə zərər vurmasınlar. 5-6 ildən sonra o qədər xarab akkumlyatorlar zibilə atılacaq və bu da ölkə ekologiyasına elə zərər vuracaq ki, onkoloji xəstəliklər dəfələrlə çoxalacaq”.
Ekspert qeyd edib ki, bunların səbəbi avtomobillərə normal kredit və lizinq şərtlərinin olmamasıdır:
“Könhə avtomobilin istehlak müddəti çox qısadır, yenisinin isə əksinə. Azərbaycanda hələ utilizasiya da yoxdur. Elə telefonların da batareyası həmin problemli məsələdir. İndi gətirilən köhnə hibridlər həm atmosferə zərər vurur, həm də batareyası ölmüş vəziyyətdədir”.
Türkan