Fransa Prezidenti Emmanuel Makronun son fotoları yerli əhalini qəzəbləndirib.

Sfera.az bildirir ki, bir müddətdir isti hava və yanğınlarla mübarizə aparan Fransaya Avstriya, Almaniya, Yunanıstan, Polşa və Rumıniya kimi ölkələr köməyə gəliblər.

Bu barədə sosial şəbəkə hesabında paylaşım edən Makron, “Avropa həmrəyliyi iş başında”, deyə qeyd edib. Lakin ardınca prezidentin yayılan tətil fotoları fransızları özündən çıxarıb.

Belə ki, Fransa yanarkən Aralıq dənizi sahilindəki Fort-de-Breqançonda tətilini yarımçıq qoymayan Makron reaktiv xizəyə minərək çimərlikdə günəş vannası qəbul edib. Sözügedən görüntülər təkcə Fransa deyil, Britaniya mətbuatında da dərc olunub. Müxalifət bildirib ki, vətəndaşlarına enerjiyə qənaət etməyi tövsiyə edən Makronun istifadə etdiyi reaktiv xizək hətta avtomobildən də çox yanacaq sərf edir.

Sosial şəbəkələrdə yazılan şərhlərdə Makron üçün “cinayətkar” və “eko-riyakar” ifadələri işlədilib. Fransızlar da Emmanuel Makronun iqlim dəyişikliyini anlamadığına dair fikirlər səsləndiriblər.

Günay Rəsulqızı,

Sfera.az