Donald Tramp həbs oluna bilər
ABŞ-ın keçmiş prezidenti Donald Tramp həbs oluna bilər.
Sfera.az-ın məlumatına görə, keçən il Ağ Evdən çıxarkən Floridadakı evinə, Mar-a-Laqoya qutularla kağız, sənəd və müxtəlif materiallar apardığı ortaya çıxan Trampı imzaladığı qanunlara görə, 5 il həbs cəzasının gözlədiyi bildirilib.
Qeyd olunub ki, 2018-ci ildə məxfi məlumatları ehtiva edən sənəd və ya materialların icazəsiz saxlanmasına görə bir il həbs cəzasını nəzərdə tutan təklif, sabiq Ağ Ev rəhbərinin imzası ilə 5 ilə qədər uzadılaraq qüvvəyə minib. Yenə Trampın imzası ilə bu səbəbdən məhkumluq “ağır cinayət” sırasına daxil edilib.
Digər tərəfdən ötən günlərdə Donalda qarşı istintaq aparan FTB-nin rəhbəri Kristofer Vreyi də sabiq prezidentin təyin etdiyi vurğulanıb.
Xatırladaq ki, FTB agentləri bu həftənin əvvəlində Trampın evinə basqın edərək, təxminən 10 qutu ləvazimat müsadirə ediblər. Amerika mətbuatının yazdığına görə, sənəddə axtarışın əsaslandırılması ilə yanaşı, FTB agentlərinin Mar-a-Laqodan topladığı materialların siyahısının da yer alacağı gözlənilir.
Günay Rəsulqızı