“2022-ci ilin yanvar-iyul aylarında Ermənistana 776 731,  Azərbaycana 832 186 əcnəbi vətəndaş səfər edib”.

Sfera.az bildirir ki, bunu iqtisadçı ekspert Natiq Cəfərli deyib. O qeyd edib ki, ölkəmizin quru sərhədləri bağlı, təyyarə biletləri od qiymətinə olmasına baxmayaraq Azərbaycana gələn turist sayı az fərqlə də olsa Ermənistandan çoxdur:

“Ermənistanın Gürcüstan və İranla quru sərhədləri açıqdır. Deməli, məmləkətin potensialı var, amma sistemi, turizmə yanaşması doğru deyil. İlk 7 ayda Ermənistana gələn turistlərin sayında Rusiya 1-ci yerdədir (251 035 nəfər) , 2-ci yerdə ABŞ (13 017 nəfər), 3-cü yerdə Almaniya (8 554 nəfər), 4-cü yerdə Fransa (7 687 nəfər), 5-ci yerdə isə Ukraynadır (7 663 nəfər). Eyni dövrdə Azərbaycana gələn qonaqların 25 %-i Rusiyadan, 23,8 %-i Türkiyədən, 13 %-i İrandan, 5,2 %-i Gürcüstandan, 4,6 %-i Səudiyyə Ərəbistanından gəlib”.

Ekspertin sözlərinə görə, ölkəmizə ABŞ və Avropa Birliyi ölkələrindən gələnlərin sayı çox az olub:

“Çünki Azərbaycan hökuməti hələ də ABŞ və AB ölkələri vətəndaşlarından viza tələb edir, Ermənistan isə 15 ildir həmin ölkələrdən viza istəmir. Maraqlı detail da qeyd etmək lazımdır - 2022-ci ilin ilk 7 ayında Ermənistana 3 nəfər Azərbaycan vətəndaşı turist kimi səfər edib”.

Günay Rəsulqızı