İsveçrə hökuməti Ukrayna-Rusiya müharibəsindən sonra qlobal ərzaq böhranının həlli üçün Türkiyənin koordinasiyası ilə həyata keçirilən taxıl daşınmasına dəstək bəyanatı verib.

Sfera.az xəbər verir ki, bu barədə İsveçrə Xarici İşlər Nazirliyindən verilən açıqlamada  məlumat verilib.

"İsveçrə Ukraynadan Türkiyəyə 12 min ton taxıl daşıyan ilk gəmi göndərişinin gəlməsini alqışlayır" ifadəsi yer alıb.

Həmçinin bəyanatda Qara Dəniz Taxıl Təşəbbüsünün həyata keçirilməsinin qlobal ərzaq təhlükəsizliyi üçün həyati əhəmiyyət kəsb etdiyi və ehtiyacı olan icmalar üçün böyük rahatlıq təmin edəcəyi vurğulanıb.

Qeyd edək ki, Prezident Rəcəb Tayyib Ərdoğanın himayəsi ilə iyulun 22-də İstanbulda Türkiyə, Rusiya Federasiyası, Ukrayna və BMT arasında “Ukrayna limanlarından taxıl və ərzaq məhsullarının təhlükəsiz daşınması təşəbbüsü sənədi” imzalanıb.

Avqustun 1-də ilk gəmi daşınması həyata keçirildiyi halda, ümumilikdə 305.458 ton taxıl Ukrayna limanlarından Bosfor boğazına və oradan da Livan, İrlandiya, İngiltərə, İtaliya və Çinə təhlükəsiz şəkildə daşınıb.

Gülər

Sfera.az