Azərbaycanın tanınmış pedaqoqu vəfat etdi
Azərbaycanın tanınmış pedaqoqu, Bakının 132 saylı məktəbinin sabiq direktoru Aliyə Təhmasib vəfat edib.
Sfera.az xəbər verir ki, bu barədə teleaparıcı Saleh Bağırov məlumat yayıb.
A.Təhmasib 75 yaşında dünyasını dəyişib.
Qeyd edək ki, Aliyə Təhmasib 1947-ci il martın 13-də Bakı şəhərində ziyalı ailəsində dünyaya gəlib. Uzun illər 132 nömrəli məktəbə rəhbərlik edən Aliyə Təhmasib yüksək dövlət mükafatları ilə yanaşı, bir sıra diplom və fəxri fərmanlara layiq görülüb.
2007-ci ilin mart ayında Aliyə Təhmasib təhsilin inkişafındakı xidmətlərinə görə və ömrünün 60, əmək fəaliyyətinin 40 ili tamam olması münasibətilə Prezidentin fəxri təqaüdünə layiq görülüb.
O, Respublika Təhsil Şurasının üzvü olub. 2010-cu il sentyabrın 15-də uzun müddətli təmirə dayanan 132 saylı məktəbin açılışından bir neçə gün sonra fəxri təqaüdə yola salınıb.
Aliyə Təhmasib dəfələrlə Azərbaycan və SSRİ Ali Sovetinin deputatı seçilib.
