İran Prezidenti İbrahim Rəisinin Həmədan əyalətinə səfərindən və ölkəsinə qarşı atılan hər hansı bir addımın sərt cavablandırılacağı ilə hədələməsindən cəmi bir gün sonra ölkənin kəşfiyyat naziri İraqın Kürdüstan bölgəsini təhdid edib. 

Sfera.az xəbər verir ki, kəşfiyyat naziri İsmail Xətib İranın qərb bölgələrinə səfər edərək qonşu ölkələri, xüsusən də İraqın Kürdüstan bölgəsini dolayısı ilə hədələyib. 
Xətib iyulun 28-də Kürdüstan bölgəsinə səfər edərək onun iddiasına görə, İrana qarşı fəaliyyət üçün zəmin hazırlayan ölkələrə xəbərdarlıq edib. 

ETTELAAT Nazirliyinin son açıqlamasında səsləndirilən iddiaları təkrarlayan İsmail Xətib "Komele" partiyasını İsrailin İrana hücum vasitəsi kimi təqdim edib:

"İran millətinin düşmənlərinə kömək edən ölkələr intiqam alınacağını gözləsinlər".

Turan Rzayev,

Sfera.az