Fransa Prezidenti Emmanuel Makron və Səudiyyə Ərəbistanının vəliəhdi Məhəmməd bin Səlman Parisdə baş tutan danışıqlar zamanı iki ölkə arasındakı əlaqələri gücləndirmək, iqlim böhranı kimi qlobal və regional problemlərlə mübarizədə fikir mübadiləsi aparmaq istədiklərini bildiriblər. 

Sfera.az xəbər verir ki, bu barədə Fransa Xarici İşlər Nazirliyi məlumat yayıb. 

Görüşdə qlobal istiləşmə ilə yanaşı, Ukrayna böhranı və İranın nüvə sazişi də müzakirə edilib.

Bildirilib ki, Makron Avropa ölkələrinin, xüsusilə də, Rusiya qazından asılılığını azaltmağa çalışan ölkələrin “enerji təchizatı”nı diversifikasiya etmək üçün Səudiyyə Ərəbistanının başlatdığı koordinasiyanı davam etdirmələrinin vacibliyini vurğulayıb.

Turan Rzayev,

Sfera.az