“ABŞ vasitəsiçiliyi ilə Azərbaycan və Ermənistan liderlərinin görüşü mümkündür. Bu görüşdə ABŞ nümayəndəsi iştirak etməyəcək, ikitərəfli görüş olacaq. Bu görüş həlledici olacaq və Ermənistan rəhbərliyi üzərlərinə götürdüyü öhdəlikləri yerinə yetirməsini icra etməlidir”.

Sfera.az xəbər verir ki bunu, politoloq Məhəmməd Əsədullazadə deyib.

O bildirib ki, Baş nazir Nikol Paşinyanın siyasi iradə göstərərək Azərbaycanla sülhə getməkdən başqa yolu yoxdur:

“Məhz ABŞ Mərkəzi Kəşfiyyat idarəsinin rəisinin İrəvana səfərində Azərbaycanla sülhün əldə edilməsi və real addımların atılmasını N.Paşinyanın diqqətinə çatdırıb. Bu səfərlə paralel Tiflisdə xarici işlər nazirləri görüşdü. ABŞ dövlət katibinin E. Blinkenin Azərbaycan və Ermənistan liderlərinə zəngi, növbəti görüşün razılaşdırılması prosesin içində Vaşinqtonun olduğu aydın görünür.

Görünür, Avropa İttifaqı bir qədər kənara çəkilib. Vaşinqtonun pərdəarxası vasitəçiliyindən N. Paşinyanın yayınması ona qarşı təzyiqlərin başlanmasına səbəb olar. Əgər prosesi Vaşinqton aparırsa, real addımlar mütləq olmalıdır”.

Politoloqun sözlərinə görə, Azərbaycanla Ermənistan arasında birbaşa ikitərəfli danışıqlar raundu başlayır və burada ikitərəfli görüşlər Azərbaycanın təklifi ilə Tiflisdə keçirilməsi nəzərdə tutulur:

“Ermənistanın qərarı nə olacaq və sülhə gedəcəkmi. Bu Prezident İlham Əliyevlə Baş nazir N. Paşinyanın görüşündə aydın olacaq. Ermənistan çalışacaq ki, öhdəlikləri yerinə yetirsin. Amma Zəngəzur dəhlizi ilə bağlı spekulyasiya edəcək. Prezident İlham Əliyevin bununla bağlı prinsipial mövqeyi və beynəlxalq hüquqa uyğun şərtləri qəbul edilib və onların yerinə yetirilməsi qaçılmazdır”.

Turan Rzayev