Rusiyanın Ukraynaya hücumuna görə, 2018-ci ildə Moskva Patriarxlığını tərk edərək müstəqilliyini elan edən Kiyev Patriarxlığının iki keşişi ukraynalı əsgərin dəfn mərasimində dalaşıb.

Sfera.az xəbər verir ki, Vinnitsa vilayətinin Tomaşpil şəhərinin Yalanets kəndindəki kilsədə rus qüvvələri ilə qarşıdurma zamanı həyatını itirən ukraynalı əsgərin dəfn mərasimində kilsənin baş keşişi Mixail Vasilyuk çıxış edib.

O çıxışında Kremlin müharibə cinayətləri törətdiyini bildirib. Bu zaman Rusiyapərəst digər keşiş əlindəki xaçla Vasilyuka hücum edərək onu vurmağa başlayıb. Baş keşiş isə onu itələyib. Bu zaman əsgərlər araya girib və keşişləri ayırıblar. Hücum edən keşişin adı açıqlanmasa da onun əsgərlər tərəfindən saxlanıldığı bildirilib.

Həmin anları kilsə fəalı Sergey Timkov lentə alıb. Görüntüləri sosial şəbəkədə yayan Timkov Mixail Vasilyukun xəsarət aldığını qeyd edib.

Vəsilə İbrahim,

Sfera.az