Boris Conson NATO-nun yeni baş katibi ola bilər - İDDİA
Böyük Britaniyanın keçmiş baş naziri Boris Conson NATO-nun yeni baş katibi ola bilər.
Sfera.az xəbər verir ki, bu haqda iddianı Böyük Britaniyanın “The Telegraph” qəzeti yazıb.
Nəşrin yazdığına görə, Mühafizəkarlar Partiyasından bəzi Britaniya rəsmiləri Consonun Şimali Atlantika Alyansının baş katibi vəzifəsinə namizədliyini dəstəkləyib.
“The Telegraph” yazır ki, Rəsmi Vaşinqton Consonu bu vəzifəyə onun anti-Rusiya mövqeyinə görə, eləcə də ABŞ-ın Avropa İttifaqı ölkələrinin nümayəndələrinə etimadsızlığına görə nəzərdən keçirir. Eyni zamanda qeyd edilir ki, eks-baş nazirin mümkün baş katib təyin olunması üçün blok üzvlərinin yekdil qərarı lazımdır.
İyulun 7-də Conson Britaniyanın baş naziri vəzifəsini tərk etmək qərarını açıqlayıb. O, bu qərarı siyasi böhran və Britaniya hökuməti üzvlərinin istefa dalğası səbəbindən verib.
NATO-nun hazırkı baş katibi Yens Stoltenberq 2014-cü ildə beş illik müddətə təyin edilib. 2019-cu ildə onun səlahiyyətləri 2022-ci ilin oktyabrına qədər uzadılıb. Mart ayında Ukrayna ilə bağlı baş verən münaqişə fonunda Stoltenberqin 2023-cü il sentyabrın 30-dək öz vəzifələrini yerinə yetirməyə davam etməsi qərara alınıb.
Vasif
Sfera.az