Ağadadaşın keçmiş gəlini üzə çıxdı, barışmaq istədiyini AÇIQLADI - VİDEO
Xalq artisti Ağadadaş Ağayevin keçmiş gəlini Quteyis Ağayeva illər sonra üzə çıxıb.
Sfera.az xəbər verir ki, Quteyis aparıcı Azər Zahidin “TikTok” sosial şəbəkə platformasında açdığı canlı yayımda qonaq olub.
“TikTok”da “Djlui” kimi məşhurlaşan Quteyis 2 ildir ayrıldığı keçmiş həyat yoldaşı ilə barışmaq istədiyini açıqlayıb.
“Barışmaq istəyirəm. Çünki mən Azərbaycana ona görə köçmüşəm. İndi Bakıda təkəmsə, ona görədir. Həm sevirəm, həm də nifrət edirəm. Altı yaşında qız övladımız var. Onunla bir yerə gedəndə ata ilə qız uşağı görür, pis olur. Övladımın elə pis olması məni öldürüb-dirildir. Ona görə vicdan əzabı çəkirəm”. – deyə Quteyis bildirib.
Diqqət çəkən məqam isə Quteyisin Xalq artistinin hansı övladı ilə evli olub ayrıldığı məlum olmamasıdır.
Qeyd edək ki, Ağadadaş Ağayevin dörd oğlu və bir qızı var.
