Türkiyədə meşələrə giriş qadağan olunub.

Sfera.az Türkiyə mediasına istinadən xəbər verir ki, ölkənin Fövqəladə Halların İdarə Olunması Agentliyi (AFAD) sözügedən məsələ ilə bağlı 81 əyalətin rəhbərliyinə bildiriş göndərib. 

Məlumata görə, buna səbəb ölkədə istilərin artmasıdır. 31 avqustadək meşə yanğınları üçün riskli ərazilərdə, girişlərdə, meşələrin ətrafında yanğınların yandırılması qadağan edilib.

Bundan başqa düşərgə obyektləri istisna olmaqla, meşəlik ərazilərdə düşərgə və çadırlara icazə verilməyəcək. Bu ərazilərə yaxın yerlərdə, toy və bu kimi oxşar məcilislərdə yanğınlara səbəb ola biləcək atəşfəşanlıq, hava şarları kimi yanar materialların istifadəsinə icazə verilməyəcək.

Gülər

Sfera.az