Bred Pit sevənlərini şoka saldı: Qala gecəsinə ətək geyinib gəldi

Hollivud ulduzu Bred Pit gündəm olub.

Sfera.az bildirir ki, aktyor ən mühüm rollardan birini oynadığı “Bullet train” filminin təqdimatı və premyerası üçün Almaniyanın Berlin şəhərində olub. O, ötən gecə filmin qala gecəsi üçün qırmızı xalça üzərinə çıxıb, amma böyük fərqlə. Belə ki, adətən premyeralarda kostyum və ya smokin geyinən, özünə uyğun qalstuk və ya papyon taxan Pit bu dəfə ətək geyinib. Ulduzun bu görünüşü pərəstişkarlarını şoka salıb.

Bred qəhvəyi ətək, eyni rəngli pencək və açıq çəhrayı köynəkdən istifadə edib. O, görünüşünü qara çəkmələrlə tamamlayıb. Həmçinin aktyor bu geyim sayəsində ayaqlarındakı döymələri də nümayiş etdirib. Pitin geyimi isə sosial media və internet xəbər saytlarında ən çox danışılan mövzulardan birinə çevrilib.

Türkan