Xəbər verdiyimiz kimi, Rusiya Ukrayna ilə sülh danışıqlarının başlaması üçün şərtlərini açıqlayıb. Rusiya xarici işlər nazirinin müavini Andrey Rudenko sülh razılaşmasının əldə olunması üçün “Ukrayna neytral” və “nüvəsiz” statusa malik olmalı, o cümlədən Donetsk və Luqanskdakı xalq respublikalarının statusunun tanınmalıdır” deyib.

Maraqlıdır, bu şərtlər daxilində iki ölkə arasında davam edən müharibə yekunlaşa və sülh müqaviləsi imzalana bilərmi?

Mövzu ilə bağlı Sfera.az-a açıqlama verən Diplomatiya Araşdırmaları Mərkəzinin sədri Samir Hümbətov deyib ki, Rusiya indiki məqamda Ukrayna ilə sülh müqaviləsi imzalamaq istəmir:

“Rəsmi Kiyev Moskvanın bu şərtləri ilə çətin ki, razı olsun və sülh danışıqlarına getsin. Kremlin bu mövqeyində sülhdən əsər-əlamət yoxdur. Bu diqtədir, kapitulyasiya aktından başqa bir şey deyil.

Ukraynanın 20 faiz ərazisi Rusiya tərəfindən işğal altındadır. Rusiya yaxşı bilir ki, Ukrayna onun təklifləri ilə razı olmayacaq və bu ona “baxın, müharibəni uzadan Ukraynadır” deməyə əsas verəcək“.

Politolq qeyd edib ki, Rusiyanın sözdə sülh təklifləri ilə təkcə Ukrayna deyil, Qərb və Türkiyə də razı deyil.

Turan Rzayev