“Raket qalıqlarının ölümcül fəsadları olacaq” – Kanada alimlərinin hesabatı
Kanadalı alimlər raket qalıqlarının ölümcül fəsadları ilə bağlı açıqlama yayıblar.
Sfera.az bildirir ki, Britaniya Kolumbiyası Universitetinin tədqiqatçılarının araşdırmasına görə, raketlərin funksional olmayan hissələri atmosferə nəzarətsiz daxil olmağa davam edərsə, yaxın on ildə ölümlə nəticələnən qəza ehtimalı 10 faizə çatacaq.
30 illik peyk buraxılış məlumatlarının araşdırıldığı hesabatda bildirilib ki, qərar qəbul edən qurumlar raket qalıqlarının planetimizə düşməsinin qarşısını almaq üçün mexanizmlər yaratmalıdırlar.
Qeyd olunub ki, dağıntı raketlərinin orbiti ekvatorla üst-üstə düşdüyü üçün cənub yarımkürəsindəki şəhərlərdə baş verə biləcək qəza riski yüksəkdir. Bu mövzuda tək istisna isə iş adamı İlon Maska məxsus “SpaceX” şirkətidir. Belə ki, “SpaceX” raketləri bir hissədə kosmosa gedir və bir parça olaraq geri qayıdır.
Türkan