Ukrayna Şimali Koreya ilə diplomatik əlaqələri kəsmək qərarına gəlib.

Sfera.az xəbər verir ki, bu barədə Ukrayna Xarici İşlər Nazirliyinin bəyanatında bildirilib.

Bəyanatda qeyd edilib ki, Ukrayna KXDR-in qondarma “DNR” və “LNR”i tanımasını öz müstəqilliyinə və suverenliyinə xələl gətirmək cəhdi kimi qiymətləndirir və cavab olaraq  KXDR ilə diplomatik münasibətləri kəsir.

Qeyd edək ki, Şimali Koreya bu gün qondarma "LXR" və "DXR"i tanıyıb. Ukrayna ilə Şimali Koreya arasında diplomatik münasibətlər 1992-ci ildə qurulub.

Vəsilə İbrahim,

Sfera.az