"Bakıda olmayıbsınızsa, deməli, yaşamayıbsınız!" - rus bloqer

Bu, fantastikadır! Sadəcə, inanılmazdır! Müasir Bakı sanki hansısa möcüzə, lotereyada uduş, sevdiyin qızın sənə nəvazişidir! Gözəl, ecazkar şəhər, sehr! Bakıda olmayıbsınızsa, deməli, yaşamayıbsınız!"

Rusiyanın ən məşhur bloqerlərindən biri İlya Varlamov Bakıda səfərdə olub və şəhərimiz barədə fotoreportaj hazırlayıb.

"Yəqin, anladınız ki, Bakını çox bəyəndim, sevdim. Ötən dəfə, 4 il əvvəl bu şəhərdə olmuşdum. Onda şəhər böyük tikinti meydançasına bənzəyirdi. İndisə gözəl, müasir meqapolisdəyəm. Bakı, bəlkə də, sabiq Sovetlər Birliyindəki paytaxtlar arasında ən müasiri, ən gözəlidir. Hətta Moskva da bir çox məsələlərdə Bakıdan geri qalır. Möhtəşəm şəhərdir", - İlya Varlamov yazıb.