İyun ayının 15-dən orta ümumtəhsil məktəblərində məzuniyyət dövrü başlayıb. Müəllimlər məzuniyyətə çıxmamışdan öncə qalıq əmək haqqını və məzuniyyət pulunu öncədən alırlar.

Sfera.az saytına daxil olan məlumatlara görə, müəllimlərin bəziləri hesablanan məzuniyyət haqları ilə razı deyil. Onlar məzuniyyət haqlarının düzgün hesablanmadığını düşünürlər.

Redaksiyamıza həmçinin bəzi məktəb direktorlarının müəllimlərin məzuniyyət haqlarını mənimsəmək istəmələri ilə bağlı siqnallar da daxil olur.

Bildiririk ki, əgər müəllimlər hər hansı direktorun belə təşəbbüsü ilə qarşılaşsa, Sfera.az saytının qaynar xətti vasitəsilə məlumatı bölüşə bilərlər. Daxil olacaq şikayətlər Təhsil Nazirliyinə yönləndiriləcək.

Qaynar xəttin Whatsapp nömrəsi: 070 522 33 55.

Sfera.az