Azərbaycanda nə qədər insan artıq çəkidən əziyyət çəkir? - SATİSTİKA

Azərbaycan əhalisinin cins və yaş qrupları üzrə orta çəkisi və boyu açıqlanıb.

Sfera.az xəbər verir ki statistik müayinə yaşı 15-dən yuxarı olan əhali qrupu üzrə aparılıb.

2021-ci ilə aid olan məlumata əsasən əhalinin orta çəkisi 68,5 kq, orta boyu 167,2 sm-dır. Əhalinin orta çəki əmsalı isə 24,4 olub.

Ümumdünya Səhiyyə Təşkilatının normalarına görə əmsal 18,5-25 intervalındadırsa, çəki normal hesab edilir. Buradan məlum olur ki, 2021-ci ilin nəticələrinə görə Azərbaycan əhalinin çəkisi ümumən normaldır.

Amma bununla belə insanların 7,9 faizinin artıq çəkidən əziyyət çəkdiyi də müəyyənləşib.

İnsanların çəkisinin normadan yüksək olmasına 45 yaşdan sonra müşahidə edilib. Yaşa dolduqca insanların aktivliyinin azalması, nəticədə artıq çəkiyə daha çox insanın sahib olduğu müəyyənləşib.

İnsanlar daha yüksək çəkiyə 45-64 yaşında sahib olur. Bu yaş qrupunda orta çəki 73,1 kq təşkil edib.

Orta boy göstəriciləri də 45-64 yaş qrupunda daha yüksəkdir. Bu yaş qrupunda əhalinin orta boyu 168,4 kq-dır.

Qadınlarda çəki normasının pozulması faktı kişilərdən daha çoxdur.

Qeyd edək ki, Ümumdünya Səhiyyə Təşkilatının normalarına görə, bədənin çəkisinin orta indeksi hesablanarkən çəki boyun metrlə ifadəsinin kvadratına bölünür. Məsələn, boy 175 sm, çəki 70 kq-dır. Bu halda indeks belə hesablanır: 70/(1.75*1.75)=70/3,06=22,9.

Ümumdünya Səhiyyə Təşkilatının normalarına görə alınan nəticə: indeks 18-dən azdırsa – çəki normadan azdır, indeks 18,5-25 aralığındadırsa– çəki normaldır, indeks 26-30 aralığındadırsa – piylənmə ərəfəsidir, indeks 31-dən yuxarıdırsa – həddən artıq piylənmədir.



Vasif

Sfera.az