Rusiya və Ukrayna müharibəsi ilə bağlı 3 ssenari – ABŞ ELAN ETDİ
![Rusiya və Ukrayna müharibəsi ilə bağlı 3 ssenari – ABŞ ELAN ETDİ](https://sfera.az/photo/orginal/2022/06/16/1655370783_trhrthh.jpeg)
Ukrayna hakimiyyəti Qərbi onlara daha çox silah, xüsusilə də haubitsa və raketlər göndərməyə çağırmaqda davam edir.
Sfera.az xarici mediaya istinadən bildirir ki, müharibədən əvvəl əhalisi 100 minə yaxın olan Severodonetsk şəhəri və ətrafındakı münaqişələr səbəbilə əhali sayı indi 12 minə düşüb.
ABŞ və Qərb kəşfiyyat rəsmiləri müharibənin uzunmüddətli nəticələrinin müəyyən ediləcəyi kritik bir mərhələyə daxil olduğuna inanırlar.
CNN-də nümayiş olunan təhlilə görə, bu, yüksək iqtisadi xərclərə və onların hərbi ehtiyatlarına təzyiqə baxmayaraq, Qərb hökumətlərini sərt qərarlar qəbul etməyə məcbur edə bilər.
Qərb rəsmiləri müharibə ilə bağlı üç mümkün ssenarini belə sıralayırlar:
Birincisi, Rusiya Ukraynanın şərqində qazanc əldə etməyə davam edə bilər.
İkincisi, müharibə aylarla və ya illərlə davam edə bilər. Bu da qlobal iqtisadiyyata yük olmaqda davam edən və hər iki tərəfdən böyük itkilərə səbəb olan böhrana gətirib çıxarır.
Rəsmilərin ən az ehtimal hesab etdiyi üçüncü ssenari də var: Rusiya müharibə məqsədlərini yenidən müəyyənləşdirə və qələbəni elan edə bilər.
Mənbələr bildirir ki, hələlik bu ssenari arzudan başqa bir şey kimi görünmür.
Lakin ABŞ rəsmiləri narahatdırlar ki, Rusiya Ukraynanın şərqində əldə etdiyi nailiyyətləri möhkəmləndirərsə, Rusiya Prezidenti Vladimir Putin digər bölgələrdə növbəti hücumları təşviq edəcək.
Əzizə Zeynal
Sfera.az