"Ermənistan tərəfi yeni toqquşmalarda maraqlı görünür” - Politoloq
“Ermənistan Brüssel razılaşmalarını pozur”.
Sfera.az bildirir ki, bunu politoloq Məhəmməd Əsədullazadə deyib. O bildirib ki, Rusiya XİN rəhbəri Sergey Lavrovun KTMT-nin xarici işlər nazirlərinin iclasında iştirak etmək üçün İrəvana səfəri çərçivəsində əsas işi Azərbaycanla əldə olunmuş razılaşmaları pozmaqdan ibarətdir:
“Hazırda Brüsseldə əldə olunmuş razılaşmalar, Kremlin təlimatlari ilə Ermənistan tərəfindən yerinə yetirilmir. Ötən gün Ermənistanın Laçın rayonu ilə dövlət sərhədində təxribatlara əl atması bunu göstərir. Paşinyan da hazırkı situasiyada daxildə baş verənlərdən dolayı manevr edir və prosesləri uzatmağa çalışır. Baş verənlər ciddi xəbərdarlıqdır və Ermənistan tərəfi yeni toqquşmalarda maraqlı görünür”.
Ekspert qeyd edib ki, Nikol Paşinyan Moskvanın təzyiqləri fonunda acizdir:
“ABŞ dövlət katibinin Avrasiya məsələləri üzrə köməkçisi Cənubi Qafqaz səfəri turnesində Bakı və İrəvanda danışıqlar aparacaq. Artıq Vaşinqtonun Azərbaycana münasibəti müsbətdir və İrəvana ciddi təzyiqlər etməsi mümkündür. Çünki, Ermənistan Rusiyanın forpostu olaraq sülh prosesinə mane olur. Cənubi Qafqazda ABŞ, Rusiya rəqabətində Ermənistan tərəfi Moskvanın dəstəyi ilə sülhü sabotaj etməklə, Vaşinqtonun regionda geosiyasi maraqlarına zərbə vurur. Azərbaycanla Ermənistan arasında danışıqlar İrəvanın deustiriktiv siysəti nəticəsində növbəti mərhələdə dalana dirənir”.
Günay Rəsulqızı
Sfera.az