“Ajans Press” media monitorinq agentliyinin “Speedtest” məlumatına görə, 181 ölkədə sabit genişzolaqlı internet sürəti müəyyən edilib.

Sfera.az bildirir ki, beləliklə dünya üzrə ən sürətli internetə malik ölkələrin adı açıqlanıb.

 
Siyahıda Türkiyənin 29,09 (Mbps) ilə 101-ci yeri tutduğu müşahidə edilib. Məlumatlar yoxlanılan zaman Türkiyənin internet sürətində artım olduğu halda, əvvəlki ilə nisbətən 4 pillə gerilədiyi qeyd edilib.

Ən yüksək internet sürətinin sahibi dəyişməz olaraq 207,61 (Mbit/s) ilə Sinqapur olub. İkinci yerdə 200,01 (Mbps) ilə Çili, üçüncü yerdə Tailand 189,64 (Mbit/s), dördüncü yerdə Honq Konq 181,70 (Mbit/s), beşinci yerdə Danimarka 166,11 (Mbit/s), altıncı yerdə Çin 162,74 (Mbit/s), yeddinci yerdə Makao 158,48 (Mbit/s), səkkizinci yerdə ABŞ 151,81 (Mbit/s), doqquzuncu yerdə Lixtenşteyn 144,63 (Mbit/s), onuncu yerdə isə Rumıniya 132,33 (Mbit/s) sürətlə qərarlaşıb.

Siyahının sonuncu pilləsində ən aşağı internet sürətinə malik ölkə 1,81 (Mbit/s) ilə Əfqanıstan olub. Qlobal miqyasda sabit genişzolaqlı internetin orta yükləmə sürətinin 63,46 (Mbit/s) olduğu bildirilib.

Qeyd edək ki, bu il ən son olaraq aprel ayında Azərbaycanın mobil rabitə operatorlarının şəbəkələrində giriş internet trafikinin sürəti 32,52 Mbit/s təşkil edib.

Əzizə Zeynal 
Sfera.az