Bloomberg Əmtəə Spot İndeksi (BƏSİ) daha 1,9 faiz yüksələrək bütün zamanların ən yüksək səviyyəsinə çatıb.

Sfera.az xəbər verir ki, bu haqda məlumatı “Bloomberg” saytı yayıb.

BƏSİ 23 əsas əmtəənin daxil olduğu səbətin dəyərindəki dəyişikliyi ifadə edir.

“Bloomberg” bildirir ki, Rusiya və Ukrayna arasında müharibənin ərzaq və enerji əmtəə bazarına təzyiqi davam edərkən, Çində epidemiya tədbirlərini yumşaldaraq tələbin canlanması ilə əmtəə qiymətlərində yeni rekord qeydə alınıb.

BƏSİ-də ilin əvvəlindən indiyə qədərki artım 36 faiz təşkil edib. Bu, son 10 ildə qeydə alınan ən sürətli artımdır.

Yeni rekordda tədarük problemlərinin hiss olunduğu təbii qaz və buğda kimi maddələr ön plana çıxıb. İndeksin alt maddələrinə baxıldığında, enerji qiymətlərindəki sürətli artım diqqət çəkdi. Bu il enerji indeksi 92 faiz artıb. Beləliklə, 1992-ci ildən bəri ən sürətli artım bu alt indeksdə qeydə alınıb. Kənd təsərrüfatı mallarında isə bahalaşma ilin əvvəlindən 24 faizə çatıb.

Vasif

Sfera.az