Rusiyalı oliqarx Roman Abramoviçə məxsus, ABŞ istehsalı olan iki təyyarə ələ keçirilib.

Sfera.az bildirir ki, bu barədə Nyu-Yorkun Cənub Dairəsi Məhkəməsi qərar qəbul edib. 

Belə ki, məhkəmə sözügedən təyyarələrin sanksiya qaydalarını pozaraq, xarici ölkədən Rusiyaya icazəsiz uçduqlarını bildirib. Qurumun verdiyi açıqlamada xatırladılıb ki, Rusiyanın Ukraynaya hücumuna cavab olaraq ABŞ Ticarət Nazirliyi Rusiyaya ixrac nəzarəti və lisenziya tələbləri gətirən müxtəlif sanksiyalar tətbiq edib. Qeyd olunub ki, bu sanksiyalara ABŞ istehsalı olan təyyarə və təyyarə hissələrinə qadağaların uzadılması da daxildir.

Bu baxımdan, açıqlamada Abramoviçə məxsus Boeing 787-8 və Gulfstream G650ER təyyarələrini müsadirə etməyə icazə verildiyi vurğulanıb. Təyyarələrin ümumi dəyərinin 400 milyon dollardan çox olduğu əlavə olunub.

Günay Rəsulqızı
Sfera.az