Papa istefa verir? – 2 ay sonra…
Son bir neçə gündə Vatikan dairələrində Papanın istefaya getməyə hazırlaşdığı barədə şayiələr gəzir.
Sfera.az bildirir ki, bu söz-söhbət həm 85 yaşlı Papa Fransiskin səhhətindən, həm də onun gələn avqust üçün planlanan iş qrafikindən qaynaqlanır.
Keçən yay yoğun bağırsağından əməliyyat olunan Papa Fransisk dizindəki problemə görə son həftələr əlil arabasından istifadə edirdi. Ötən həftə Roma Papası avqustun sonunda İtaliyanın Laquila şəhərinə səfər edəcəyini bildirildikdə, onun istefasının mümkünlüyü əvvəlcə İtaliya mətbuatında, sonra isə beynəlxalq mediada yer almağa başladı. Ziyarətə səbəb kimi bu şəhərdə 13-cü əsrdən bəri keçirilən dini festival göstərilib. İddialara görə, Papanın səfəri üçün şəhər istefa simvolları ilə bəzədilib. Papanın bu şəhərdə qatılacağı "Perdonanza Celestiana" festivalı tarixdə istefa verən ilk papa kimi tanınan 5-ci Selestino tərəfindən başlayıb. Papa Fransiskin bu səfərdə 5-ci dəfə Celestinonun məzarını ziyarət edəcəyi gözlənilir.
İtalyan mediası, Papa Fransiskin ofisini tərk etməyə hazırlaşdığı ilə bağlı xəbərlərdə 16-cı Benedettonun da istefa verməzdən əvvəl 6-cı Celestinonun məzarını ziyarət etdiyini xatırladıb.
Papa Fransisk avqustun 27-də 21 yeni kardinal təyin edəcək. Bu yeni kardinallardan 16-nın yaşı 80-dən aşağı olduğundan, onlar mümkün Papa seçkilərində səs vermək hüququna malik olacaqlar.
Əzizə Zeynal
Sfera.az