Olimpiya çempionumuz: "Qızıl medal haqqında düşünmürdüm"

Rioda keçirilən Olimpiya Oyunlarında Azərbaycan ilk qızıl medalının qazanıb.

Sfera.az "qafqazinfo"-ya istinadən xəbər verir ki, taekvando üzrə millimizin üzvü Radik İsayev tarix yazaraq fəxri kürsünün ən yüksək pilləsinə qalxıb. 

O, final görüşündən sonra sevincini bölüşüb. Gənclər və İdman Nazirliyinin mətbuat xidmətini Səmayə Məmmədovaya danışan İsayev bunları deyib:

"Sadəcə ayaqlarım ağrıyır. İlk döyüşdən belə idi. Mən özümə söz verməmişdim çempion olacam. Sadəcə bacardığımın ən yaxşısını etdim. Hər döyüşdə belə edirəm. Fikirlərim düşdüyüm situasiyaya görə dəyişir. Özüm özümə "çıxım çempion olum" deyə bilmərəm. Rəqiblərin heç birinin fərqi yox idi. Qələbəmi, qızıl medalımı ilk azarkeşim olan anama həsr edirəm. O, mənim medallarımı yığır. Bunun üçün otaq da ayırıb. Mənim kolleksionerim odur. Onun üçün qalib olduğum turnirin fərqi yoxdur".

İsayev bayrağımızı ən yüksəyə qaldırdığı üçün qürur duyduğunu bildirib: "Azərbaycan bayrağını yüksəkdə görəndə qürur duydum. O hissləri tam ifadə etmək mümkün deyil. İstəmirəm qızıl medallar mənimlə bitsin. Lorenzo Sotomayora da uğurlar arzu edirəm. Başqa n deyə bilərəm? Qızıl haqqında düşünmürdüm. Məqsədim medal qazanmaq idi. Ancaq sonda birinci oldum və biz Azərbaycan himnini Rioda dinlədik".