"iPhone" həvəskarlarına ÜZÜCÜ XƏBƏR: Bu modelin istehsalı dayandırıldı
"Apple"in çinli tərəfdaşları bölgədəki koronavirus məhdudiyyətlərinə görə "iPhone 14" istehsal cədvəlindən geri qalırlar.
Sfera.az xəbər verir ki, bu barədə "Nikkei" agentliyi məlumat yayıb .
İnsayderlərə məlum olub ki, "iPhone 14" seriyasının yeni flaqman telefonlarından ən azı birinin hazırlanması Çində daha bir karantinin tətbiqi ilə əlaqədar dayandırılıb.
"Apple" itirilən vaxtı kompensasiya etmək üçün tədarükçülərdən məhsulun inkişafını sürətləndirməyi xahiş edib. Əks halda, şirkətin tərəfdaşları payıza qədər lazımi sayda smartfon istehsal etməyə vaxt tapmaya bilərlər.
"Tənzimləmək çətindir. "Apple" və onun təchizatçıları inkişafı sürətləndirmək üçün gecə-gündüz işləyirlər", - Amerika şirkətinin tərəfdaşlarından birinin top meneceri bildirib.
Qeyd olunub ki, əsas tədarükçülər - "Foxconn" və "Pegatron" istehsalın pozulmasına görə birbaşa məsuliyyət daşıyırlar
Məlumatlı mənbələrə görə, hazırda dörd yeni "iPhone" mühəndislik sınaqları mərhələsindədir. Karantinə görə, modellərdən birinin inkişafı adi qrafikdən təxminən üç həftə geri qalır. Bununla belə, şirkətin yayın sonu və ya payızın əvvəlində "iPhone 14" smartfonlarının istehsalına başlamaq üçün hələ vaxtı var.
"Hazırda, gecikmənin məhsulun təqdimat cədvəlinə təsir edəcəyinə inanmırıq, lakin hər hansı gizli və uzunmüddətli təsirlərin olub-olmamasına diqqətlə baxmalıyıq", - "Isaiah Research" analitiki Eddie Xan deyib.
Mayın sonunda "The Wall Street Journal"ın mənbələri "Apple"in Çindən kənarda avadanlıq istehsalını artırmağa hazırlaşdığını bildirdib. İnsayderlər əsas səbəb kimi bölgədəki koronavirus məhdudiyyətlərini göstəriblər.
