ABŞ alimlərinin xamyaklar  üzərində apardıqları araşdırma maraqlı nəticələr verib.

Sfera.az bildirir ki, bu şirin heyvanlar gen redaktə texnologiyası ilə aparılan təcrübələrdən sonra aqressiv olublar.

Corciya Dövlət Universitetindən olan nevroloqlar qrupu xamyaklar üzərində istənilən orqanizmin DNT fraqmentlərini hədəfə alan və dəyişdirə bilən CRISPR texnologiyasından istifadə edib. Tədqiqatda Suriya xamyaklarından istifadə edilib. Komanda bu heyvanların sosial davranışın öyrənilməsi üçün güclü bir model təmin etdiyini söyləyib, çünki onların sosial quruluşu siçanlarda müşahidə ediləndən daha çox insanlara bənzəyir.

Təcrübələrin məqsədi həm insanlarda, həm də xamyaklarda aqressiya, ünsiyyət və sosial əlaqə ilə bağlı bir hormon olan vazopressin reseptorunu araşdırmaq olub.
PNAS elmi jurnalında dərc edilən məlumata görə, bu reseptorun söndürülməsi gəmiricilərin pis instinktlərini gücləndirib.

Kiberalimlər xamyaklarda aqressivliyi azaltmaq cəhdlərinin onları həm daha aqressiv, həm də daha sosial etdiyini görəndə təəccübləniblər:

"Nəticələr bizi həqiqətən təəccübləndirdi. Düşünürdük ki, vazopressin fəaliyyətini ləğv etsək, həm aqressivliyi, həm də sosial ünsiyyəti azaldacağıq. Amma bunun əksi baş verdi", - tədqiqatın müəlliflərindən H.Elliott Albers deyib.

İnci
Sfera.az