“Türkiyənin NATO-dan çıxması gündəmdə olmalıdır”.

Sfera.az bildirir ki, bunu MHP sədri Dövlət Baxçalı deyib. O, Türkiyənin müstəmləkə ölkəsi olmayacağını vurğulayıb:

“Heç kim Türkiyəni təhdid etməyə cəhd etməməlidir. İsveç hökuməti terrora maliyyə vəsaiti ayırıb, yaralı satqınları müalicə edib, hətta baş nazir də terrorun yayılmasında iştirak edib. Türk milləti bu rəzalətə necə razılıq verəcək? Onlar bizi saymadıqca, biz daha çox var olacağıq”.

Baxçalı bildirib ki, NATO daxilində PKK/YPG terror təşkilatının arxasında duran dövlətlər var:

“Biz NATO ilə var olmadıq, onsuz da yox olmarıq. Türkiyəyə NATO-nun şərqdəki forpostu kimi yanaşılıb. İsveçi də, Finlandiyanı da götürüb istədikləri kimi istifadə etsinlər. Baş verənlər başqa variant buraxmasa, yeni təhlükəsizlik alyansının yaradılması mümkündür. Bəlkə də ən doğrusu budur”.

Günay Rəsulqızı
Sfera.az