ABŞ-ın keçmiş dövlət katibi Henri Kissincer Davosda keçirilən Dünya İqtisadi Forumunda bəyan edib ki, Avropa Ukraynanı Rusiyanın danışıqlar şərtlərini qəbul etməyə məcbur etməlidir.

Sfera.az xəbər verir ki, Kissincerin “Ukrayna torpaq verməlidir” sözləri dünya mətbuatında geniş işıqlandırılıb.

1970-ci illərdə Riçard Nikson və Cerald Fordun rəhbərliyində çalışmış və Soyuq Müharibə dövründə ABŞ-ın xarici siyasətinin formalaşmasında mühüm rol oynamış 98 yaşlı keçmiş dövlət katibi Qərbi Ukraynada Rusiya qüvvələrini əzmək səylərindən əl çəkməyə çağırıb, bunun Avropanın uzunmüddətli sabitliyi üçün fəlakətli nəticələrə səbəb ola biləcəyini deyib.

Qərbin bu anın əhval-ruhiyyəsinə qapılmasının və Rusiyanın Avropa güc balansındakı yerini unutmasının ağır nəticələndiyini vurğulayan Kissincer "müharibənin davam etməsinə icazə vermək olmaz", deyib.

Əzizə Zeynal
Sfera.az