Zaur: "Ərəblər otelin hovuzunda böyük bayıra çıxıblar" - FOTO

"Müsəlman qardaşlarımız çayniklərdə sudan başqa hər şey qaynadırlar".

Sfera.az primetime.az-a istinadən xəbər verir ki, ölkənin tanınmış teleaparıcısı Zaur Baxşəliyev istirahətini Qəbələdə davam etdirir. Aparıcı İnstaqram hesabında Azərbaycana gələn turistlərin bilmədiyimiz və görmədiyimiz "mədəniyyət"lərinin sirlərini açıb.

"O gün Qəbələdə otellərimizdən birində 3 hadisənin şahidi oldum. Sözümə keçməzdən əvvəl onu deyim ki, qeyri-neft sektoru olaraq ölkəyə gəlir gətirən sahələr sırasında turizm çox önəmli olduğu üçün ölkəmizə gələn turist artımına yalnız sevinirəm. Amma bu çəkdiyim videoda gördüyünüz ərəblər yeyib-içəndən sonra yemək yedikləri 3 masanın üstünə qusub batırdılar. Hər zaman qapı ağzında turist həsrəti ilə gözü yollarda qalan, səbirsizliklə qonaq yolu gözləyən otel işçilərinin simasında "ilahi, bunlar nə zaman gedəcəklər" sözləri açıq-aydın yazılmışdı. Qəbələdəki otellərə bələd olanlar bilirlər ki, otaqlarda elektrik çaydanları olurdu, indi onları yığışdırıblar. Niyə?! Çünki bizim müsəlman qardaşlarımız ərəblər bu çayniklərdə sudan başqa hər şey qaynadırlar (yumurta, sosiska, düyü). Otaqlarda çıxardıqları hoqqalar az deyilmiş kimi, biri o gün girib otelin hovuzuna böyük bayıra çıxıb! Ölkəyə gələn turistlər, əgər pul ödəyirsə, bu o demək deyil ki, masamıza qusub, hovuzumuza kakaşlamalıdırlar?! P.S.: Kiprdə istirahətdə olan zaman tanıdığım bir həmyerlimizi oteldə yaratdığı kiçik narahatlığa görə elə həmin gün oteldən çıxardılar. Geri dönüş biletini aldılar və Bakıya göndərdilər. Adını isə həmin oteldə arzuolunmaz qonaq siyahısına saldılar. Əziyyət çəkib, müqavilələr imzalayıb, qapı açırsan, bu da onların mədəniyyəti!!!"

Qeyd edək ki, bu il Azərbaycana başqa ölkələrdən, xüsusilə ərəb ölkələrindən gələn turistlərin sayı olduqca çoxdur.