“Orxanın potensialını kulinariyaya sərf etməsini istəməzdim" - Tanınmış aparıcı

 

Sfera.az bildirir ki, bunu tanınmış aparıcı İlhamiyyə Rza,  həmkarı Orxan Fikrətoğlunun Milli Kulinariya Mərkəzinin baş direktoru təyin olmasına münasibət bildirərkən deyib.

"Ümumiyyətlə, ha düşünürəm, cavab tapa bilmirəm ki, Orxan orda nə edəcək axı? Məncə ona kinostudiya  və ya televiziya kanalı verilməli idi. Tahir Əmiraslanova görə isə üzülmürəm, çünki o, elə kulinariyada qalacaq və yenə öz əvəzsiz töhfələrini verəcək. Ətrafında peşəkarlardan ibarət gözəl komandası, dünyaca şöhrəti var. O qəbil insanlardandır ki, vəzifə onu yox, o vəzifəni dəyərə mindirirdi”, - deyə aparıcı əlavə edib.

Xatırladaq ki, 11 aprel 2022-ci il tarixindən etibarən Azərbaycan Milli Kulinariya Mərkəzinin baş direktoru vəzifəsinə Orxan Fikrət oğlu Sadıqov təyin olunub.