“Facebook” Suriya televiziyasının hesabını bağladı – Rusiyaya dəstək verdiyi üçün
Sfera.az xəbər verir ki, yerli media mənbələri agentliyin hesabının bağlanmasına səbəb kimi Rusiya qüvvələrinin 9 Mayda Suriyada qeyd etdiyi Qələbə Günü münasibətilə ərəb və rus dillərində "al-Macd Li Russia” mahnısının yayımlanması olduğunu iddia edib.
Klip Rusiya prezidenti Putinin televiziya açıqlamaları ilə başlayır:
"Əgər kimsə Rusiyanı məhv etmək qərarına gəlsə, bu, bəşəriyyət üçün fəlakət olacaq. Hər halda bir Rusiya vətəndaşı kimi sual vermək istərdim ki, Rusiyasız belə bir dünya bizə nəyə lazımdır?”.
"Al-Macd Li Russia”nın sözləri Mudar Şala tərəfindən yazılıb. Mahnıda Ukraynaya qarşı müharibədə Rusiya ordusunun gücünün nümayiş etdirilməsi və Rusiya tərəfindən müharibəyə qoşulmağa təşviq edilmək yer alır.
Bu mahnı ötən ilin aprelində "YouTube”da yayımlanıb. Maraqlıdır ki, mahnı dünən Radio Televiziya Korporasiyasının rəsmi "Facebook” hesabından silindikdən sonra sayt administratorları tərəfindən "YouTube”dan da silinib. Digər tərəfdən, mahnı Suriyadakı hakim Baas Partiyasının sözçüsü olan "Facebook”un "əl-Baath Media" səhifəsində aktiv olaraq qalıb.
Rəsmi Suriya mediası Ukrayna hadisələri ilə bağlı yayımlarında Rusiyanın ritorikasını Rusiyanın müttəfiqi olan Suriya rejiminin baxışının ifadəsi kimi qəbul edir.
Əzizə Zeynal
Sfera.az
