Sfera.az bildirir ki, Pulitzer Komitəsi bu il 15 nominasiya üzrə qaliblərdən əlavə, öz ölkələrindəki müharibəni izləyən ukraynalı jurnalistlərə də xüsusi mükafatlar verib. Komitənin bəyanatında Ukrayna müharibəsində həyatını itirən jurnalistlər də yad edilib.

 

Dövlət Xidməti: "The Washington Post” - mükafatı keçən il yanvarın 6-da Tramp tərəfdarlarının Konqresə basqın etməsi ilə bağlı xəbərinə görə.

Son dəqiqə xəbərləri: "Miami Herald” qəzetinin komandası - keçən iyunda Mayamidə çökən yaşayış kompleksi ilə bağlı xəbərləri paylaşdığına görə.

Beynəlxalq Jurnalistika: "The New York Times” -  ABŞ-ın İraq, Suriya və Əfqanıstanda mülki insanların ölümünə səbəb olması xəbərinə görə.

Araşdırma Jurnalistikası: "Tampa Bay Times” qəzetinin müxbirləri - Floridanın təkrar emal zavodunun vurduğu ziyandan bəhs edən "Sudakı zəhər” silsilə yazılarına görə.

Son dəqiqə foto-xəbər: "Los Angeles Times”ın Əfqanıstandan çəkilən ABŞ qüvvələrinin fotoşəkilləri və "Getty Images” fotomüxbirlərinin ABŞ Kapitoliyasına basqının fotoları mükafatlandırılıb.

Fotoqrafiya: "Reuters” xəbər agentliyinin fotojurnalistləri - Hindistanda COVID-19 epidemiyasının təsirlərini göstərən fotoşəkillərinə görə.